Хаби Алонсо Испания Суперкубоги финалида "Барселона"дан учралган мағлубиятдан сўнг (2:3) "Реал" бош мураббийи лавозимидан озод этилмайди. The Athletic хабарига кўра, "қаймоқранглилар" январда мураббийни ўзгартириш вариантини жиддий кўриб чиқмаган ва Алонсо ишни сақлаб қолиш учун "Барселона"га йирик ҳисобда ютқазмаслик кифоя қилган.
Манбага кўра, "Реал"нинг баъзи футболчилари ва жамоага яқин бўлганларни клубнинг Алонсога бундай ёндашуви ажаблантирмоқда, чунки уларга бу мураббий билан ўйнаш ёқмаяпти.
Қайд этилишича, клубда финалдан кейин икки хил қараш мавжуд. Директорлар кенгашининг муҳим аъзоларини ўз ичига олган биринчи гуруҳ финал тенгма-тенг бўлди ва иккала жамоа ҳам ғалаба қозониши мумкин эди, деб ҳисоблайди. Шунингдек, ушбу гуруҳ вакиллари "Реал"да жиддий кадрлар муаммоси борлигини таъкидламоқда.
Иккинчи гуруҳ эса Алонсо давридаги натижалардаги сўнгги ютуқларни етарли эмас деб ҳисоблайди. Бу одамларни "Реал" Хаби билан қайси йўналишда кетаётгани ташвишга солмоқда.
