Bugun Sport vazirligi, Milliy Olimpiya va Paralimpiya qo‘mitalari rahbariyati “Olimpiya shaharchasi”ga tashrif buyurdi. Uning doirasida majmuaning bugungi holati o‘rganilib, yaqin davr uchun ishlab chiqilgan rejalar muhokama qilib olindi.

Qayd etish joiz, “Olimpiya shaharchasi”dagi suv sporti markazida joriy yil bir qator nufuzli musobaqalar o‘tkazilishi rejalashtirilgan.

Rasmiylar tashrif davomida ob’ektning texnik holati, xavfsizlik va xizmat ko‘rsatish infratuzilmasi bilan yaqindan tanishdi.

Shuningdek, mamlakatimizda Paralimpiya harakatini yanada rivojlantirishga doir rejalar ham ko‘rib chiqildi.

Yig‘ilish davomida musobaqalarni yuqori saviyada tashkil etish uchun zarur bo‘lgan tayyorgarlik ishlari, jumladan, sport jihozlarini yangilash, logistika va tibbiy ta’minot masalalari yuzasidan mas’ullarga aniq topshiriqlar berildi.