Yarim himoyachi Lukas Paketa vataniga qaytishni istamoqda va so‘nggi kunlarda futbolchini "Flamengo" bilan bog‘lashmoqda. The Telegraph xabariga ko‘ra, Braziliya klubi Paketa bo‘yicha taklifni 40 million yevrogacha oshirishi mumkin, bu esa "Vest Xem"ni kelishuvga borishga undashi mumkin.
Biroq, "Vest Xem" muhim shartni ilgari surmoqda: klub transfer rasmiylashtirilgandan so‘ng Paketaning ijara asosida mavsum oxirigacha jamoada qolishini xohlamoqda. "Bolg‘achilar" avvalroq Lukas bilan yozda ketishi mumkinligi haqida kelishib olgandi.
Lukas Paketa "Vest Xem" safida jami 139 ta o‘yin o‘tkazib, 23 ta gol va 15 ta golli uzatmani o‘z hisobiga yozdirib qo‘ygan.
