Ярим ҳимоячи Лукас Пакета ватанига қайтишни истамоқда ва сўнгги кунларда футболчини "Фламенго" билан боғлашмоқда. The Telegraph хабарига кўра, Бразилия клуби Пакета бўйича таклифни 40 миллион еврогача ошириши мумкин, бу эса "Вест Хэм"ни келишувга боришга ундаши мумкин.
Бироқ, "Вест Хэм" муҳим шартни илгари сурмоқда: клуб трансфер расмийлаштирилгандан сўнг Пакетанинг ижара асосида мавсум охиригача жамоада қолишини хоҳламоқда. "Болғачилар" аввалроқ Лукас билан ёзда кетиши мумкинлиги ҳақида келишиб олганди.
Лукас Пакета "Вест Хэм" сафида жами 139 та ўйин ўтказиб, 23 та гол ва 15 та голли узатмани ўз ҳисобига ёздириб қўйган.
