Англия Премьер Лигасининг 3-тури доирасида “Манчестер Сити” ва “Ковентри” жамоалари ўзаро баҳс олиб борди. Беллашув “шаҳарликлар”нинг 1:0 ҳисобидаги ғалабаси билан якунланди. Ушбу баҳсда Ўзбекистон терма жамоаси ҳимоячиси Абдуқодир Ҳусанов асосий таркибида майдонга тушиб, тўлиқ ҳаракат қилди.
Ҳимоячи жами 91 марта тўп билан муомала қилди. У 79 та узатманинг 75 тасини аниқ амалга оширди (95 фоиз аниқлик). Sofascore портали Абдуқодирнинг ҳаракатларини 7 балл билан баҳолади. Ҳусанов 90+5-дақиқада қўполлик учун огоҳлантирилди.
Абдуқодир Ҳусановнинг ҳимоядаги кўрсаткичлари:
Ҳимоявий ҳаракатлар: 5 та;
Рақиб ҳужумини бартараф этиш: 1 марта;
Тозалаш: 3 марта
Ердаги курашлар: 5 та (2 таси муваффақиятли);
Ҳаводаги курашлар: 2 та (барчаси муваффақиятли);
Тўпни қайтариб олиш: 4 марта.
Рақиб зарбасика блок қўйиш: 1 марта
“Манчестер Сити”нинг ғалабасига муносиб ҳисса қўшган ва 3 та сейв амалга оширган Жанлуижи Доннарумма учрашувнинг энг яхши футболчиси, деб топилди. Sofascore томонидан италиялик дарвозабоннинг ҳаракатлари 8,8 баллга лойиқ кўрилган бўлса, ғалаба голи муаллифи Эрлинг Ҳоланд 8,5 балл олди. Мезбонлар сафида фаол ҳаракатлари билан ажралиб турган Эллиот Андерсон 8,6 балл билан баҳоланди.
Ушбу ғалабадан сўнг “Манчестер Сити” 9 очко билан турнир жадвалида 1-ўринни эгаллаб турибди.
