"Атлетик" Испания чемпионати 4-турида ўз майдонида "Атлетико"ни 3:0 ҳисобида йирик мағлубиятга учратди.
Учрашувдаги барча голлар иккинчи бўлимда урилди. Нико Уильямс, Роберт Наварро ва Ойан Сансет рақиб дарвозасини ишғол қилди.
Мадридликлар сафида иккинчи бўлимда ҳужумчи Хулиан Альварес майдонга тушди. Аргентиналик футболчи мавсумлар оралиғида клубини ўзгартириш истагини билдирганди.
Бильбао жамоаси Ла Лига доирасида 2013 йил январидан бери илк бор "Атлетико"ни йирик ҳисобда мағлуб этди. Ўшанда ҳам баҳс 3:0 ҳисобида якунланганди.
"Атлетик" 6 очко тўплаб, турнир жадвалида 8-ўринни эгаллаб турибди. "Атлетико" эса 7 очко билан 6-поғонада жойлашган.
