"Atletik" Ispaniya chempionati 4-turida o‘z maydonida "Atletiko"ni 3:0 hisobida yirik mag‘lubiyatga uchratdi.
Uchrashuvdagi barcha gollar ikkinchi bo‘limda urildi. Niko Uilyams, Robert Navarro va Oyan Sanset raqib darvozasini ishg‘ol qildi.
Madridliklar safida ikkinchi bo‘limda hujumchi Xulian Alvares maydonga tushdi. Argentinalik futbolchi mavsumlar oralig‘ida klubini o‘zgartirish istagini bildirgandi.
Bilbao jamoasi La Liga doirasida 2013 yil yanvaridan beri ilk bor "Atletiko"ni yirik hisobda mag‘lub etdi. O‘shanda ham bahs 3:0 hisobida yakunlangandi.
"Atletik" 6 ochko to‘plab, turnir jadvalida 8-o‘rinni egallab turibdi. "Atletiko" esa 7 ochko bilan 6-pog‘onada joylashgan.
