"Barselona" markaziy himoyachisi Pau Kubarsi Ispaniya Kubogi 1/8 finalidan o‘rin olgan "Rasing"ga (2:0) qarshi o‘yindan so‘ng jamoa o‘yini haqida fikr bildirdi.

"Biz juda yuqori darajani namoyish etmoqdamiz va juda ijobiy kayfiyatdamiz. Biz shu ruhda davom etishimiz, hozir qilayotgan ishlarimizning barchasini qilishimiz kerak. Birdamlikni saqlash va individual emas, balki jamoaviy yutuqlarga e’tibor qaratish muhim. To‘xtamasak, ulkan marralarni zabt etishimiz mumkin," - dedi Kubarsi intervyuda.

18 yanvar kuni "Barsa"ning navbatdagi o‘yini bo‘lib o‘tadi - raqib "Real Sosyedad".