Xosep Gvardiola "Manchester Siti" murabbiylik lavozimida o‘ninchi mavsumni o‘tkazmoqda. Mutaxassisning so‘zlariga ko‘ra, uning klubda uzoq qolishining siri bitta.
"Hammasi natijaga, natijaga borib taqaladi. Agar g‘alaba qozonmasang, seni ishdan bo‘shatishadi. Agar biz g‘alaba qozonmaganimizda, meni ishdan bo‘shatishardi. Biz ko‘p narsa yutdik - shuning uchun ham bu yerdaman. Boshqa sir yo‘q.
O‘tgan mavsumdagi holatda boshqa jamoada bo‘lganimda meni mavsum yarmida iste’foga chiqarishgan bo‘lardi. Ehtimol, bu yerda sabrliroq xo‘jayinlar bordir, chunki ular biz ilgari nima qilganimizni hisobga olishadi", - dedi Gvardiola matbuot anjumanida.
17 yanvar, shanba kuni "Manchester Siti" derbida "Manchester Yunayted" mehmoni bo‘ladi.
