Хосеп Гвардиола "Манчестер Сити" мураббийлик лавозимида ўнинчи мавсумни ўтказмоқда. Мутахассиснинг сўзларига кўра, унинг клубда узоқ қолишининг сири битта.
"Ҳаммаси натижага, натижага бориб тақалади. Агар ғалаба қозонмасанг, сени ишдан бўшатишади. Агар биз ғалаба қозонмаганимизда, мени ишдан бўшатишарди. Биз кўп нарса ютдик - шунинг учун ҳам бу ердаман. Бошқа сир йўқ.
Ўтган мавсумдаги ҳолатда бошқа жамоада бўлганимда мени мавсум ярмида истеъфога чиқаришган бўларди. Эҳтимол, бу ерда сабрлироқ хўжайинлар бордир, чунки улар биз илгари нима қилганимизни ҳисобга олишади", - деди Гвардиола матбуот анжуманида.
17 январь, шанба куни "Манчестер Сити" дербида "Манчестер Юнайтед" меҳмони бўлади.
