Luish Nanining Qozog‘iston  klubi bilan bog‘liq transfer tarixi kutilmagan yakunga ega bo‘ldi. Portugaliya OAVlari sobiq Portugaliya terma jamoasi futbolchisi faoliyatini "Aktobe"da davom ettirish variantidan to‘liq voz kechganini xabar qildi.

Leonino.pt ma’lumotlariga ko‘ra, 39 yoshli vinger professional futbolga qaytmaslik haqida prinsipial qaror qabul qilgan. Nani bu haqda Qozog‘iston klubi rahbariyatini allaqachon xabardor qilgan va hozirgi hayot bosqichida u uchun yangi shartnoma yoki boshqa davlatga ko‘chib o‘tish emas, balki oila birinchi o‘rinda turishini ta’kidlagan. Manba qayd etishicha, futbolchi hech qanday variantlarni ko‘rib chiqmagan va o‘z kelajagi masalasi batamom yopilganini aniq bildirgan.

Shu tariqa, QPL uchun mavsumlar orasidagi eng ko‘p muhokama qilingan ehtimoliy transferlardan biri amalga oshmaydi. Ilgariroq OAVda "Aktobe"ning Yevropa chempioni-2016 Luish Nani bilan muzokaralar olib borayotgani, ehtimoliy moliyaviy shartlar va hatto futbolchining Qozog‘istonga kelish muddatlari haqida ma’lumotlar tarqalgan edi.