"Roma" qishki transfer oynasida "Tottenxem"ning ikki futbolchisini safiga qo‘shib olishga qiziqmoqda.
La Gazzetta dello Sport xabar berishicha, rimliklar himoyachi Radu Dregushin va hujumchi Matis Telni ijaraga olish bo‘yicha taklif bilan chiqqan.
23 yoshli rumin futbolchisi allaqachon "Roma"ga o‘tishga rozilik bergan, biroq "shporlar" ijaradan so‘ng majburiy sotib olish bandi qo‘shilishini talab qilmoqda. 20 yoshli fransiyalik Tel esa ko‘proq o‘yin amaliyotiga ega bo‘lishni istamoqda va shu sabab ijara variantiga moyil.
Dregushin joriy mavsumda APLda atigi 1 ta o‘yinda qatnashib, 5 daqiqa maydonda bo‘lgan.
Tel esa APLda 15 ta uchrashuvda 3 ta gol urgan bo‘lib, o‘rtacha har bir o‘yinda 35 daqiqa harakat qilgan.
