"Рома" қишки трансфер ойнасида "Тоттенхэм"нинг икки футболчисини сафига қўшиб олишга қизиқмоқда.
La Gazzetta dello Sport хабар беришича, римликлар ҳимоячи Раду Дрэгушин ва ҳужумчи Матис Телни ижарага олиш бўйича таклиф билан чиққан.
23 ёшли румин футболчиси аллақачон "Рома"га ўтишга розилик берган, бироқ "шпорлар" ижарадан сўнг мажбурий сотиб олиш банди қўшилишини талаб қилмоқда. 20 ёшли франциялик Тель эса кўпроқ ўйин амалиётига эга бўлишни истамоқда ва шу сабаб ижара вариантига мойил.
Дрэгушин жорий мавсумда АПЛда атиги 1 та ўйинда қатнашиб, 5 дақиқа майдонда бўлган.
Тель эса АПЛда 15 та учрашувда 3 та гол урган бўлиб, ўртача ҳар бир ўйинда 35 дақиқа ҳаракат қилган.
