Mikel Arteta "Manchester Siti" bosh murabbiyi Pep Gvardiolaning "Arsenal"ni dunyoning hozirgi eng yaxshi jamoasi deb atagan so‘zlariga munosabat bildirdi.

- Gvardiolaning "Arsenal" dunyodagi eng yaxshi jamoa ekani haqidagi maqtovi haqida nima deya olasiz?

- Jamoa va amalga oshirilgan ishlar haqida ijobiy fikrlarni eshitish har doim yoqimli. Lekin, albatta, bu balandparvoz gaplar. Menimcha, bunday maqtovga sazovor bo‘lish uchun ko‘p narsani yutish kerak, biz esa hali bunday qilmadik.

Ammo biz har kuni o‘zimizning eng yaxshi versiyamiz bo‘lishga intilamiz va maqsadga erishmagunimizcha to‘xtamaymiz," - dedi Arteta.