"Renn" markaziy himoyachisi Jeremi Jake Yevropa grandlari e’tibor markazida bo‘lib turibdi.
20 yoshli futbolchi uchun kurashni "Chelsi", "Liverpul" va "Bavariya" davom ettirmoqda - uchala klub ham fransuzni kelasi yozda o‘z safiga qo‘shib olishni istamoqda. "Renn" joriy mavsum davomida futbolchini qo‘yib yuborishdan bosh tortdi, ammo yozgi transfer bo‘yicha hozirdanoq muzokaralar olib borishga tayyor, deya xabar bermoqda insayder Fabrisio Romano. Mavsumlar oralig‘ida Jake uchun jiddiy kurash bo‘lishi kutilmoqda.
Xabaringiz bor, "Renn" istiqbolli markaziy himoyachini sotish orqali klub uchun rekord darajadagi 65-70 million yevro ishlab olmoqchi. "Transfermarkt" portali Jakening narxini 20 mln yevroga baholamoqda.
