"Ренн" марказий ҳимоячиси Жереми Жаке Европа грандлари эътибор марказида бўлиб турибди.
20 ёшли футболчи учун курашни "Челси", "Ливерпуль" ва "Бавария" давом эттирмоқда - учала клуб ҳам французни келаси ёзда ўз сафига қўшиб олишни истамоқда. "Ренн" жорий мавсум давомида футболчини қўйиб юборишдан бош тортди, аммо ёзги трансфер бўйича ҳозирданоқ музокаралар олиб боришга тайёр, дея хабар бермоқда инсайдер Фабрицио Романо. Мавсумлар оралиғида Жаке учун жиддий кураш бўлиши кутилмоқда.
Хабарингиз бор, "Ренн" истиқболли марказий ҳимоячини сотиш орқали клуб учун рекорд даражадаги 65-70 миллион евро ишлаб олмоқчи. "Transfermarkt" портали Жакенинг нархини 20 млн еврога баҳоламоқда.
