"Barselona" yarim himoyachi Fermin Lopes bilan shartnomani uzaytirishga kelishib oldi. La Vanguardia xabariga ko‘ra, tomonlar 2031 yilning yarmigacha mo‘ljallangan shartnomani kelishib olgan.
Lopesning ish haqi 50 foizga oshadi. Ferminning tovon puli ham ikki barobarga o‘sib, 1 milliard yevroga yetadi. Lopesni "Barselona"dan buncha pulga sotib oladigan klub sayyoramizda topilmasligi aniq.
"Barselona" Chempionlar ligasi doirasidagi "Kopengagen"ga qarshi o‘yindan keyin Fermin Lopes bilan shartnomani uzaytirganini e’lon qilishi kerak. U 28 yanvar, chorshanba kuni bo‘lib o‘tadi.
2025/2026 yilgi mavsumda Lopes 25 ta o‘yinda maydonga tushib, 10 ta gol urdi va sheriklariga 10 ta golli uzatmani amalga oshirdi.
