"Барселона" ярим ҳимоячи Фермин Лопес билан шартномани узайтиришга келишиб олди. La Vanguardia хабарига кўра, томонлар 2031 йилнинг ярмигача мўлжалланган шартномани келишиб олган.
Лопеснинг иш ҳақи 50 фоизга ошади. Ферминнинг товон пули ҳам икки баробарга ўсиб, 1 миллиард еврога етади. Лопесни "Барселона"дан бунча пулга сотиб оладиган клуб сайёрамизда топилмаслиги аниқ.
"Барселона" Чемпионлар лигаси доирасидаги "Копенгаген"га қарши ўйиндан кейин Фермин Лопес билан шартномани узайтирганини эълон қилиши керак. У 28 январь, чоршанба куни бўлиб ўтади.
2025/2026 йилги мавсумда Лопес 25 та ўйинда майдонга тушиб, 10 та гол урди ва шерикларига 10 та голли узатмани амалга оширди.
