Yarimhimoyachi Brunu Fernandesh transfer mish-mishlarida tez-tez tilga olinadi, chunki uning "Manchester Yunayted" bilan shartnomasi tugashiga bir yarim yildan kamroq vaqt qoldi. Qolaversa, Fernandeshning o‘zi ham avvalroq bu mish-mishlarni avj oldirib, klub istagan paytda uning transferiga ruxsat bergandi.

Goal portalining Turkiyadagi filiali xabariga ko‘ra, Fernandesh yangi shartnoma tuzishga tayyor, ammo maoshi haftasiga 400 ming funtga (taxminan 460 ming yevro) ko‘tarilishini kutmoqda.

Bruno Fernandesh 31 yoshda. "Manchester Yunayted"dagi olti yil davomida portugaliyalik 312 ta o‘yinda maydonga tushib, 103 ta gol va 98 ta golli uzatmani o‘z hisobiga yozdirib qo‘ygan.