"Yuventus" "Manchester Siti" akademiyasi hujumchisi Jastin Oboavvoduoni o‘z safiga qo‘shib olishga kelishib oldi. Bu haqda insayder Fabrisio Romano o‘z ijtimoiy tarmoqlarida ma’lum qildi.

Dastlab 19 yoshli Jastin U23 jamoasida o‘ynaydi, keyin esa uni asta-sekin asosiy jamoa bilan mashg‘ulotlarga qo‘shishadi. Avvalroq, Turin klubi yana bir umidli futbolchi - "Bavariya" yoshlar jamoasi a’zosi Adin Lichina bilan shartnoma imzolashga kelishib olgan edi.

Oboavvoduo bu mavsumda "Manchester Siti" yoshlar jamoasida o‘ynagan, u bu mavsumda 18 ta o‘yinda maydonga tushib, 6 ta gol urgan va 5 ta golli uzatmani amalga oshirgan. Asli nigeriyalik bo‘lgan futbolchi Angliyaning barcha yoshlar terma jamoalarida o‘ynagan.