"Ювентус" "Манчестер Сити" академияси ҳужумчиси Жастин Обоавводуони ўз сафига қўшиб олишга келишиб олди. Бу ҳақда инсайдер Фабрицио Романо ўз ижтимоий тармоқларида маълум қилди.
Дастлаб 19 ёшли Жастин U23 жамоасида ўйнайди, кейин эса уни аста-секин асосий жамоа билан машғулотларга қўшишади. Аввалроқ, Турин клуби яна бир умидли футболчи - "Бавария" ёшлар жамоаси аъзоси Адин Личина билан шартнома имзолашга келишиб олган эди.
Обоавводуо бу мавсумда "Манчестер Сити" ёшлар жамоасида ўйнаган, у бу мавсумда 18 та ўйинда майдонга тушиб, 6 та гол урган ва 5 та голли узатмани амалга оширган. Асли нигериялик бўлган футболчи Англиянинг барча ёшлар терма жамоаларида ўйнаган.
