Fransiya terma jamoasining sobiq himoyachisi Patris Evra Zinedin Zidanning milliy jamoa boshqaruviga kelishi mumkinligi haqida o‘z fikrlari bilan o‘rtoqlashdi.
"Agar Zidan Fransiya terma jamoasi bosh murabbiyi bo‘lsa, men bundan juda xursand bo‘lardim. Bu nafaqat men uchun, balki butun mamlakat uchun ajoyib yangilik bo‘lgan bo‘lardi. Zizu — bu shunchaki ism emas, bu katta tajriba va g‘oliblik ruhi demakdir. U terma jamoa bilan yangi zafarlarga erishishiga ishonaman", — deya Evraning so‘zlarini keltirmoqda Sky Germany.
Eslatib o‘tamiz, Zinedin Zidan Madridning "Real" klubini tark etganidan beri ishsiz bo‘lib turibdi. Hozirda Fransiya terma jamoasini Didye Desham boshqarmoqda.













