Франция терма жамоасининг собиқ ҳимоячиси Патрис Эвра Зинедин Зиданнинг миллий жамоа бошқарувига келиши мумкинлиги ҳақида ўз фикрлари билан ўртоқлашди.
"Агар Зидан Франция терма жамоаси бош мураббийи бўлса, мен бундан жуда хурсанд бўлардим. Бу нафақат мен учун, балки бутун мамлакат учун ажойиб янгилик бўлган бўларди. Зизу — бу шунчаки исм эмас, бу катта тажриба ва ғолиблик руҳи демакдир. У терма жамоа билан янги зафарларга эришишига ишонаман", — дея Эвранинг сўзларини келтирмоқда Sky Germany.
Эслатиб ўтамиз, Зинедин Зидан Мадриднинг "Реал" клубини тарк этганидан бери ишсиз бўлиб турибди. Ҳозирда Франция терма жамоасини Дидье Дешам бошқармоқда.
