«An-Nasr» hujumchisi Krishtianu Ronaldu klub safida mashg‘ulotlarga qayta qaytdi. Bu haqda jurnalist Fabrisio Romano X ijtimoiy tarmog‘ida xabar berdi. Avvalroq portugaliyalik futbolchi mavsumda ilk bor Saudiya chempionatidagi uchrashuvdan o‘tkazib yuborgan edi. 20-turda klub o‘z yetakchisisiz «Ar-Riyad»ni 1:0 hisobida mag‘lub etdi.

Habarlarga ko‘ra, Ronaldu 20-tur uchrashuvini boykot qilishga qaror qilgan, chunki u transfer siyosatiga rozi bo‘lmagan. Futbolchining fikriga ko‘ra, Saudiya Arabistoni Davlat investisiya fondi, bu fond «An-Nasr», «Al-Ittihod», «Al-Hilol» va «An-Axli» klublariga egalik qiladi, adolatli raqobatga to‘sqinlik qiladi.