"Napoli" rahbariyati markaziy yarim himoyachi Skott Maktominayga yangi shartnoma taklif qilish niyatida. Bu haqda "La Gazzetta dello Sport" nashri xabar bermoqda.

Manbaning ma’lumotiga ko‘ra, Italiya klubining ustuvor vazifasi shotlandiyalik xavbekni jamoada saqlab qolishdir. Unga 2030 yilgacha mo‘ljallangan yangi mehnat shartnomasi taklif etiladi.

Qayd etilishicha, Maktominayning "Napoli"dagi maoshi oshiriladi. Futbolchining o‘zi klub rahbarlari bilan shartlarni muhokama qilishga tayyor.

Maktominay 2024 yilning yozidan beri "Napoli" sharafini himoya qilib kelmoqda. Joriy mavsumda 29 yoshli yarim himoyachi barcha turnirlarda 33 ta o‘yinda maydonga tushib, 9 ta gol va 4 ta golli uzatmani o‘z hisobiga yozdirib qo‘ydi.