"Наполи" раҳбарияти марказий ярим ҳимоячи Скотт Мактоминайга янги шартнома таклиф қилиш ниятида. Бу ҳақда "La Gazzetta dello Sport" нашри хабар бермоқда.
Манбанинг маълумотига кўра, Италия клубининг устувор вазифаси шотландиялик хавбекни жамоада сақлаб қолишдир. Унга 2030 йилгача мўлжалланган янги меҳнат шартномаси таклиф этилади.
Қайд этилишича, Мактоминайнинг "Наполи"даги маоши оширилади. Футболчининг ўзи клуб раҳбарлари билан шартларни муҳокама қилишга тайёр.
Мактоминай 2024 йилнинг ёзидан бери "Наполи" шарафини ҳимоя қилиб келмоқда. Жорий мавсумда 29 ёшли ярим ҳимоячи барча турнирларда 33 та ўйинда майдонга тушиб, 9 та гол ва 4 та голли узатмани ўз ҳисобига ёздириб қўйди.













