Londonning "Tottenxem" klubi bosh murabbiyi Tomas Frank tez orada iste’foga chiqarilishi mumkin. Bu haqda The Touchline xabar bermoqda.

Manbaga ko‘ra, "Arsenal"ga qarshi bo‘lib o‘tadigan derbi Frank uchun "shporlar" ustozi sifatidagi so‘nggisi bo‘lishi mumkin. Ta’kidlanishicha, agar Frank imkoniyatdan foydalanmasa, u ishdan bo‘shatiladi. Klub rahbariyati barcha qiyinchiliklarga qaramay, hozirgi tarkib 16-o‘rindan yuqori bo‘lishi kerakligiga ishonchi komil.

Avvalroq, "Tottenxem" o‘z maydonida "Nyukasl"ga yutqazib, Premyer-liga turnir jadvalida 16-o‘ringa tushib ketgandi. Poytaxt klubi hisobida 27 turdan so‘ng 29 ochko mavjud.