Yevropa futbol assosiasiyalari ittifoqi (UYEFA) o‘tgan yilning moliyaviy natijalarini e’lon qilib, erkaklar o‘rtasidagi klub turnirlaridan rekord darajada daromad olganini qayd etdi.
"Erkaklar o‘rtasidagi klub musobaqalarining umumiy daromadi 4,4 milliard yevroga o‘sib, 2023/2024 yilgi ko‘rsatkichlarga nisbatan 690 million yevroga oshdi. Ushbu o‘sish qayta investisiyalarning ko‘payishiga olib keldi, klublarga moliyaviy to‘lovlar 4,4 milliard yevroga yetdi. Bu o‘tgan mavsumga nisbatan 400 million yevroga ko‘p.
Biz ham musobaqadan keladigan yalpi daromadimizning 10 foizini birdamlik to‘lovlariga yo‘naltirish orqali o‘yinga sodiqligimizni tasdiqladik. Shundan 308 mln yevro yevrokuboklarda ishtirok etmaydigan klublarga yo‘naltiriladi - bu o‘tgan yilga nisbatan 76 foizga ko‘p, qo‘shimcha mablag‘ esa saralash bosqichidan chiqib ketgan klublar o‘rtasida taqsimlanadi. Yana 25 million yevro UYEFA Yoshlar ligasi va ayollar klublari musobaqalarini qo‘llab-quvvatlash uchun ishlatiladi", - deyiladi UYEFA xabarida.
