Saudiya Arabistoni Pro-ligasining 22-turi doirasida bo‘lib o‘tgan «Al-Hilol» va «Al-Ittifoq» jamoalari o‘rtasidagi uchrashuv mezbonlarning ishonchli g‘alabasi bilan yakunlandi.
Bahs 2:0 hisobida «Al-Hilol» foydasiga hal bo‘ldi. Barcha gollar birinchi bo‘limning o‘zidayoq kiritildi. 13-daqiqa: Malkomning uzatmasidan so‘ng Muhammad Kanno hisobni ochdi — 1:0. 31-daqiqa: Salim al-Davsari jamoasining ikkinchi golini urib, oradagi farqni oshirdi — 2:0.
Shuningdek, o‘yinning 78-daqiqasida Muhammad Kannoning goli VAR tekshiruvidan so‘ng ofsayd tufayli bekor qilindi.
Ushbu g‘alabadan so‘ng «Al-Hilol» peshqadamlikni yanada mustahkamlab oldi:
«Al-Hilol»: 21 o‘yin, 53 ochko.
«Al-Ahli»: 21 o‘yin, 50 ochko.
«An-Nasr»: 20 o‘yin, 49 ochko.
«Al-Ittifoq» esa 21 o‘yindan so‘ng 35 ochko bilan turnir jadvalining 7-pog‘onasida bormoqda.
