Саудия Арабистони Про-лигасининг 22-тури доирасида бўлиб ўтган «Ал-Ҳилол» ва «Ал-Иттифоқ» жамоалари ўртасидаги учрашув мезбонларнинг ишончли ғалабаси билан якунланди.

Баҳс 2:0 ҳисобида «Ал-Ҳилол» фойдасига ҳал бўлди. Барча голлар биринчи бўлимнинг ўзидаёқ киритилди. 13-дақиқа: Малкомнинг узатмасидан сўнг Муҳаммад Канно ҳисобни очди — 1:0. 31-дақиқа: Салим ал-Давсари жамоасининг иккинчи голини уриб, орадаги фарқни оширди — 2:0.

Шунингдек, ўйиннинг 78-дақиқасида Муҳаммад Каннонинг голи ВАР текширувидан сўнг офсайд туфайли бекор қилинди.

Ушбу ғалабадан сўнг «Ал-Ҳилол» пешқадамликни янада мустаҳкамлаб олди:

«Ал-Ҳилол»: 21 ўйин, 53 очко.

«Ал-Аҳли»: 21 ўйин, 50 очко.

«Ан-Наср»: 20 ўйин, 49 очко.

«Ал-Иттифоқ» эса 21 ўйиндан сўнг 35 очко билан турнир жадвалининг 7-поғонасида бормоқда.