La Liga 24-turi doirasida bugun, 14 fevral kuni Madridning "Real" hamda "Real Sosyedad" jamoalari o‘zaro bahs olib borishadi. Uchrashuv Toshkent vaqti bilan tungi soat 01:00 da boshlanadi.
Tahlilchilarning fikriga ko‘ra, bo‘lajak o‘yinda Madridning "Real" klubi yaqqol favorit hisoblanadi. Maydon egalarining g‘alabasi 70,1% ga baholanmoqda, durang ehtimoli 17,6% ni, "Real Sosyedad"ning g‘alabasi esa 12,3% ni tashkil etmoqda.
Jamoalar o‘rtasidagi so‘nggi o‘zaro uchrashuv 2025 yil 13 sentyabr kuni bo‘lib o‘tgan va unda "Real Madrid" 2:1 hisobida g‘alaba qozongan edi.
