Londonning "Arsenal" klubi bosh murabbiyi Mikel Arteta Angliya liga kubogini qo‘lga kiritishga qat’iy qaror qilgan. Bu haqda "The Touchline" nashri xabar bermoqda.

Manba bergan ma’lumotlarga ko‘ra, Arteta turnir finalida "shaharliklar"ga qarshi kechadigan bahsni "Arsenal" uchun mavsumning belgilovchi lahzasi deb hisoblaydi. Ispaniyalik mutaxassisning ishonchi komilki, mag‘lubiyat jamoaning ruhiy holatiga jiddiy putur yetkazishi mumkin, g‘alaba esa ularni Premyer-liga chempionligi uchun kurashda ruhlantirib yuboradi. Murabbiy final oldidan asosiy o‘yinchilarga dam berishga tayyor.

"Arsenal" va "Manchester Siti" o‘rtasidagi Liga kubogining hal qiluvchi uchrashuvi 22 mart kuni bo‘lib o‘tadi. O‘yin Toshkent vaqti bilan soat 21:30 da boshlanishi rejalashtirilgan.