"PSJ" sobiq bosh murabbiyi Maurisio Pochettino yulduzli futbolchilar bilan ishlash haqida o‘z fikrlarini bildirdi. Avvalroq argentinalik mutaxassis qo‘l ostida Parijda Lionel Messi – Neymar – Kilian Mbappe hujum triosi to‘p tepgan edi.
"Messi, Neymar va Mbappega murabbiylik qilish — oson emas. Biz ba’zan o‘zlari o‘ynayotgan klubdan ham ustun turadigan futbolchilar haqida gapiryapmiz. Messidan pressing qilishini kutib bo‘lmaydi. U hech qachon pressing qilmagan — hatto Gvardiola davridagi eng yaxshi yillarida ham. Shu sababli, g‘alaba bo‘lmagan taqdirda, murabbiy aybdor bo‘lib qolaveradi", — deya Pochettinoning so‘zlaridan iqtibos keltiradi "The Touchline".
Hozirda Maurisio Pochettino AQSH terma jamoasini Jahon chempionatiga tayyorlamoqda. Mish-mishlarga ko‘ra, argentinalik mutaxassis yozda "Tottenxem"ga qaytishi mumkin.
