"ПСЖ" собиқ бош мураббийи Маурисио Почеттино юлдузли футболчилар билан ишлаш ҳақида ўз фикрларини билдирди. Аввалроқ аргентиналик мутахассис қўл остида Парижда Лионель Месси – Неймар – Килиан Мбаппе ҳужум триоси тўп тепган эди.

"Месси, Неймар ва Мбаппега мураббийлик қилиш — осон эмас. Биз баъзан ўзлари ўйнаётган клубдан ҳам устун турадиган футболчилар ҳақида гапиряпмиз. Мессидан прессинг қилишини кутиб бўлмайди. У ҳеч қачон прессинг қилмаган — ҳатто Гвардиола давридаги энг яхши йилларида ҳам. Шу сабабли, ғалаба бўлмаган тақдирда, мураббий айбдор бўлиб қолаверади", — дея Почеттинонинг сўзларидан иқтибос келтиради "The Touchline".

Ҳозирда Маурисио Почеттино АҚШ терма жамоасини Жаҳон чемпионатига тайёрламоқда. Миш-мишларга кўра, аргентиналик мутахассис ёзда "Тоттенхэм"га қайтиши мумкин.