"Bavariya" hujumchisi Xarri Keyn Robert Levandovskining Bundesliga bir mavsumida 41 ta gol urgan rekordini yangilash imkoniyatlari haqida fikr bildirdi.
Chempionat yakuniga 12 tur qolgan bir vaqtda Keyn hisobida 26 ta gol mavjud.
"Hamma narsaning iloji bor, lekin oldinda hali uzoq yo‘l turibdi. Bu aql bovar qilmaydigan rekord. Hozirda men yaxshi sport formasidaman. Jamoaga yordam berayotganimdan xursandman.
Aprel oyiga yaqinroq vaziyatga qaraymiz — o‘shanda bu haqda o‘ylashni boshlayman. Hozircha esa faqat navbatdagi gol haqida o‘ylayapman", — dedi Keyn.
