«Real Madrid» yoshlar jamoasi bosh murabbiyi Alvaro Arbeloaning klubdagi faoliyati borasida yangi tafsilotlar ma’lum bo‘ldi. Uning kelajagi bevosita jamoa qayd etadigan natijalarga bog‘liq bo‘ladi.

Murabbiyga yaqin manbalarning ta’kidlashicha, Arbeloaning amaldagi shartnomasi keyingi mavsum yakuniga qadar mo‘ljallangan. Biroq klub mutasaddilari hozircha bu borada rasmiy izoh berishdan bosh tortishmoqda.

Manbaga ko‘ra, La Ligadagi g‘alaba Arbeloaga katta ishonch kreditini taqdim etishi mumkin. Ammo «Qirollik klubi» rahbariyati uchun murabbiy muvaffaqiyatini o‘lchaydigan asosiy mezon — bu Yevropa Chempionlar Ligasidagi ishtirok hisoblanadi.