Futbol hakami Federiko La Penna tahdidlar sababli polisiyaga murojaat qildi.
Arbitr A Seriya 25-turidan o‘rin olgan "Inter" va "Yuventus" (3:2) o‘rtasidagi uchrashuvni boshqarib borgan edi. O‘yinning 42-daqiqasida turinliklar himoyachisi Pyer Kalulu Fabio Mirettining noaniq uzatmasidan so‘ng Alessandro Bastonining oyog‘iga zarba berishiga bir baxya qoldi. "Neradzurrilar" futbolchisi kontaktni simulyasiya qilib, maydonga yiqildi, La Penna esa "Yuventus" himoyachisiga ikkinchi sariq kartochkani ko‘rsatdi. Bastoni chetlatishni juda hissiyot bilan nishonladi.
Ushbu o‘yindan so‘ng hakam ijtimoiy tarmoqlarda haqoratlarga uchradi, shuningdek, unga o‘lim bilan tahdid qilishdi. Shu munosabat bilan La Penna Rim polisiyasiga shikoyat qilishga qaror qildi va polisiya tergov harakatlarini boshladi.
