Футбол ҳаками Федерико Ла Пенна таҳдидлар сабабли полицияга мурожаат қилди.
Арбитр А Серия 25-туридан ўрин олган "Интер" ва "Ювентус" (3:2) ўртасидаги учрашувни бошқариб борган эди. Ўйиннинг 42-дақиқасида туринликлар ҳимоячиси Пьер Калулу Фабио Миреттининг ноаниқ узатмасидан сўнг Алессандро Бастонининг оёғига зарба беришига бир бахя қолди. "Нерадзуррилар" футболчиси контактни симуляция қилиб, майдонга йиқилди, Ла Пенна эса "Ювентус" ҳимоячисига иккинчи сариқ карточкани кўрсатди. Бастони четлатишни жуда ҳиссиёт билан нишонлади.
Ушбу ўйиндан сўнг ҳакам ижтимоий тармоқларда ҳақоратларга учради, шунингдек, унга ўлим билан таҳдид қилишди. Шу муносабат билан Ла Пенна Рим полициясига шикоят қилишга қарор қилди ва полиция тергов ҳаракатларини бошлади.
