"Tottenxem"ning yangi bosh murabbiyi Igor Tudor hujumkor uslub haqida o‘z fikrlari bilan o‘rtoqlashdi.
"Men durang uchun o‘ynay olaman, deb aytadigan murabbiyni hech qachon ko‘rmaganman. Buning iloji yo‘q. Shunday ekan, ha, men hujumkor futbolni yaxshi ko‘raman, lekin aqlli hujumkor futbolni", — deya Tudorning so‘zlarini keltirmoqda "shporlar" matbuot xizmati.
Tudor 14 fevral kuni Tomas Frank o‘rnini egallab, "Tottenxem" boshqaruviga keldi. 47 yoshli xorvatiyalik mutaxassisning klub bilan tuzgan shartnomasi joriy mavsum yakuniga qadar mo‘ljallangan.
26 ta turdan so‘ng "Tottenxem" 29 ochko jamg‘argan holda Angliya Premyer-ligasi turnir jadvalida 16-o‘rinni egallab turibdi.
