"Тоттенхэм"нинг янги бош мураббийи Игор Тудор ҳужумкор услуб ҳақида ўз фикрлари билан ўртоқлашди.
"Мен дуранг учун ўйнай оламан, деб айтадиган мураббийни ҳеч қачон кўрмаганман. Бунинг иложи йўқ. Шундай экан, ҳа, мен ҳужумкор футболни яхши кўраман, лекин ақлли ҳужумкор футболни", — дея Тудорнинг сўзларини келтирмоқда "шпорлар" матбуот хизмати.
Тудор 14 февраль куни Томас Франк ўрнини эгаллаб, "Тоттенхэм" бошқарувига келди. 47 ёшли хорватиялик мутахассиснинг клуб билан тузган шартномаси жорий мавсум якунига қадар мўлжалланган.
26 та турдан сўнг "Тоттенхэм" 29 очко жамғарган ҳолда Англия Премьер-лигаси турнир жадвалида 16-ўринни эгаллаб турибди.
