"An-Nasr" klubining 41 yoshli hujumchisi Krishtianu Ronaldu bo‘lajak jahon chempionatiga zaxira futbolchisi sifatida borishga tayyor. Bu haqda "The Touchline" nashri xabar bermoqda.

Manbaning ma’lumotlariga ko‘ra, Ronaldu milliy terma jamoaning asosiy tarkibidan joy talab qilmayapti, shuning uchun agar bosh murabbiy Roberto Martines uni zaxira o‘rindig‘ida qoldirishga qaror qilsa, hech qanday muammo yuzaga kelmaydi. Ta’kidlanishicha, hujumchi jamoaning umumiy muvaffaqiyatini shaxsiy ambisiyalaridan ustun qo‘ymoqda.

Ronaldu Portugaliya terma jamoasi safida 226 ta o‘yin o‘tkazib, 143 ta gol va 46 ta golli uzatmani amalga oshirgan.

Jahon chempionati – 2026 shu yilning yozida AQSH, Kanada va Meksikada bo‘lib o‘tadi.