"Ан-Наср" клубининг 41 ёшли ҳужумчиси Криштиану Роналду бўлажак жаҳон чемпионатига захира футболчиси сифатида боришга тайёр. Бу ҳақда "The Touchline" нашри хабар бермоқда.
Манбанинг маълумотларига кўра, Роналду миллий терма жамоанинг асосий таркибидан жой талаб қилмаяпти, шунинг учун агар бош мураббий Роберто Мартинес уни захира ўриндиғида қолдиришга қарор қилса, ҳеч қандай муаммо юзага келмайди. Таъкидланишича, ҳужумчи жамоанинг умумий муваффақиятини шахсий амбицияларидан устун қўймоқда.
Роналду Португалия терма жамоаси сафида 226 та ўйин ўтказиб, 143 та гол ва 46 та голли узатмани амалга оширган.
Жаҳон чемпионати – 2026 шу йилнинг ёзида АҚШ, Канада ва Мексикада бўлиб ўтади.
