"Barselona" va "Lasio" sobiq yarim himoyachisi Gaiska Mendyeta "Komo" bosh murabbiyi Fransesk Fabregas kelajakda Chelsi ni boshqarishi mumkin, deb hisoblaydi.

"O‘ylaymanki, Sesk Fabregas shoshilmaydi, chunki "Komo"da unga kerak bo‘lgan barcha sharoit bor. Agar unga o‘yinchilar kerak bo‘lsa, u ularni oladi. U istagan hamma narsani qo‘lga kirityapti, bu esa qaror qabul qilishda unga katta vakolat beradi.

O‘ylaymanki, shu hafta oxirida men Alvaro Morata borasida butun mavsum davomida ko‘rmagan narsamni ko‘rdim. Alvaro Morata provokasiyaga javob qaytarib qizil kartochka oldi va Fabregas omma oldida u o‘zini yaxshiroq tutishi kerak edi, deb aytdi.

Menimcha, bu uning futbolchi haqida ilk bor ochiq tanqid bildirishi. Bu — xarakter namoyishi, "bu yerda boshliq menman" degan ishora, "bu yerda uzoq qolaman" degan signal.

Uning sobiq jamoalari murabbiylarni ishdan bo‘shatyapti va tabiiyki, "Arsenal" hamda umuman istalgan top-klub uni nomzod sifatida ko‘rib chiqadi, chunki u "Komo"da ajoyib ish qilmoqda", — dedi Mendyeta BetBrothers’ga.