"Барселона" ва "Лацио" собиқ ярим ҳимоячиси Гаиска Мендьета "Комо" бош мураббийи Франсеск Фабрегас келажакда "Челси"ни бошқариши мумкин, деб ҳисоблайди.

"Ўйлайманки, Сеск Фабрегас шошилмайди, чунки "Комо"да унга керак бўлган барча шароит бор. Агар унга ўйинчилар керак бўлса, у уларни олади. У истаган ҳамма нарсани қўлга киритяпти, бу эса қарор қабул қилишда унга катта ваколат беради.

Ўйлайманки, шу ҳафта охирида мен Альваро Мората борасида бутун мавсум давомида кўрмаган нарсамни кўрдим. Альваро Мората провокацияга жавоб қайтариб қизил карточка олди ва Фабрегас омма олдида у ўзини яхшироқ тутиши керак эди, деб айтди.

Менимча, бу унинг футболчи ҳақида илк бор очиқ танқид билдириши. Бу — характер намойиши, "бу ерда бошлиқ менман" деган ишора, "бу ерда узоқ қоламан" деган сигнал.

Унинг собиқ жамоалари мураббийларни ишдан бўшатяпти ва табиийки, "Арсенал" ҳамда умуман исталган топ-клуб уни номзод сифатида кўриб чиқади, чунки у "Комо"да ажойиб иш қилмоқда", — деди Мендьета BetBrothers’га.