«Portu» klubi «Benfika» vingeri Janluka Prestiannining «Real» futbolchisi Vinisiusga nisbatan ishlatgan irqchilik harakati yuzasidan Portugaliya futbol federasiyasi va mamlakat chempionati rahbariyatiga rasmiy xat yo‘llashga qaror qildi.
Klub bunday holatlarga nisbatan murosasiz munosabatda bo‘lishni talab qildi va kelgusida bunday holatlarning oldini olish choralari haqida so‘radi.
Shuningdek, ligadan irqchilikka qarshi kurashda klublarning pozisiyasini taqdim etish, Portugaliya futbol federasiyasidan esa o‘z vakolati va imkoniyatlari doirasida UEFAga tergov jarayonida yordam berish so‘ralgan.
