"Arsenal" chempionatning bir o‘yinida "Tottenxem" ustidan ikkinchi marta yirik hisobda g‘alaba qozondi.

Bugun 27-tur doirasida Mikel Arteta jamoasi safarda 4:1 hisobida g‘alaba qozondi. Birinchi davradagi "Arsenal" - "Tottenxem" uchrashuvi ham 4:1 hisobida "kanonirlar" foydasiga hal bo‘ldi.

Bungacha "Arsenal" faqat 1934/35 yilgi mavsumda "Tottenxem"ni ikki marta chempionatda uch va undan ortiq to‘p farqi bilan mag‘lub etishga muvaffaq bo‘lgandi (6:0, 5:1). Bundan tashqari, bugun "kanonirlar" 1978 yildan beri chempionatdagi safardagi derbida eng yirik g‘alabani qo‘lga kiritishdi - o‘shanda 5:0 hisobida g‘alaba qozongandi.