Ilgiz Tantashev FIFA tomonidan Jahon chempionati oldidan nomzod hakamlar uchun tashkil etilgan seminarda ishtirok etmoqda.
Qatar davlatida bo‘lib o‘tayotgan mazkur seminar FIFA va OFK hamkorligida o‘tkazilayotgan bo‘lib, Jahon chempionati o‘yinlarida ishlashi mumkin bo‘lgan nomzod bosh hakamlarni tayyorlash va saralashga qaratilgan.
23–28 fevral kunlari bo‘lib o‘tadigan seminar doirasida Tantashev nazariy, amaliy mashg‘ulotlar hamda turli o‘yin vaziyatlari tahlillarida ishtirok etadi.
Ushbu seminar Jahon chempionatlari darajasida faoliyat yuritadigan hakamlarni shakllantirish yo‘lidagi muhim tayyorgarlik bosqichlaridan biri hisoblanadi.
