«Manchester Yunayted» Angliya chempionati 27-turining yakuniy o‘yinida «Everton»ni mag‘lub etib, navbatdagi g‘alabasini qo‘lga kiritdi. «Manchester Yunayted» ustozi Maykl Kerrik ushbu muvaffaqiyatdan juda mamnun va u jamoasini o‘yinning so‘nggi pallasida ko‘rsatgan ishonchli himoyasi uchun maqtadi.
«Futbolchilar o‘yinning so‘nggi daqiqalarida namoyish etgan iroda, fidoyilik va mehnatsevarlik darvozamiz daxlsizligini saqlab qolgan holda g‘alaba qozonishimizga sabab bo‘ldi. Bu ajoyib natija. Qolaversa, biz juda chiroyli gol urdik. Biz nimalarga qodir ekanimizni ko‘rsata oldik», — deya mutaxassisning so‘zlaridan iqtibos keltiradi BBC Sport.
Hozirda «Manchester Yunayted» Angliya chempionati turnir jadvalida to‘rtinchi o‘rinni egallab turibdi.
