«Манчестер Юнайтед» Англия чемпионати 27-турининг якуний ўйинида «Эвертон»ни мағлуб этиб, навбатдаги ғалабасини қўлга киритди. «Манчестер Юнайтед» устози Майкл Кэррик ушбу муваффақиятдан жуда мамнун ва у жамоасини ўйиннинг сўнгги палласида кўрсатган ишончли ҳимояси учун мақтади.

«Футболчилар ўйиннинг сўнгги дақиқаларида намойиш этган ирода, фидойилик ва меҳнатсеварлик дарвозамиз дахлсизлигини сақлаб қолган ҳолда ғалаба қозонишимизга сабаб бўлди. Бу ажойиб натижа. Қолаверса, биз жуда чиройли гол урдик. Биз нималарга қодир эканимизни кўрсата олдик», — дея мутахассиснинг сўзларидан иқтибос келтиради BBC Sport.

Ҳозирда «Манчестер Юнайтед» Англия чемпионати турнир жадвалида тўртинчи ўринни эгаллаб турибди.