BBC eksperti, Nottingem universiteti Jinoyat huquqi kafedrasi dosenti Xavyer Eskauriasa Meksikadagi tartibsizliklar JCH-2026ga qanday ta’sir qilishi mumkinligi haqida gapirib berdi. Ma’lumot uchun, Meksikaning bir qator shaharlarida narkokartel yetakchisi Nemesio Osegera Servantesning yo‘q qilingani bo‘lishi mumkinligi haqidagi xabarlardan so‘ng norozilik namoyishlari avj olgan edi.

"Umuman olganda, kartellar Jahon chempionatining tinch o‘tishidan iqtisodiy manfaatdor. To‘g‘ri, ular siyosatchilar va mahalliy polisiyani sotib olishadi, lekin shu bilan birga ular restoranlarni ham sotib olishadi va mehmonxonalarga egalik qilishadi. Ular iqtisodiy tizimning bir qismidir. Agar britanlar, amerikaliklar va boshqalar Meksikaga kelib, pul sarflashsa va vaqtlarini chog‘ o‘tkazishsa, bu kartellar uchun ham foydali bo‘ladi", — deya ekspertning so‘zlaridan iqtibos keltiradi BBC.

Qayd etish joizki, Meksika futbol bo‘yicha 2026 yilgi Jahon chempionati o‘yinlariga mezbonlik qiluvchi uchta davlatdan biri hisoblanadi. Shuningdek, turnir bahslari AQSH va Kanadada ham bo‘lib o‘tadi. JCH-2026 11 iyundan 19 iyulga qadar davom etadi.